Loyihalarda yodgorliklarga ziyon yetkazilmasligi kafolatlanishi va devor tagi to‘shamasi maxsus obi g‘isht — 250×250×50 o‘lchamdagi xumdonda pishirilgan musulmon g‘ishtidan foydalanish sharti bilan tasdiqlandi.
Madaniy meros agentligi huzuridagi Ilmiy ekspert kengashining navbatdan tashqari yig‘ilishida Hazrati Imom (Hastimom) majmuasi tarkibiga kiruvchi bir qator tarixiy obidalarni restavrasiya qilish loyihalari ma’qullandi.
Qayd etilishicha, 2025 yil 9 aprel kuni Madaniy meros agentligi huzuridagi Ilmiy-ekspert kengashining navbatdan tashqari yig‘ilishi Toshkent shahrida bo‘lib o‘tdi. Unda “Hazrati Imom” (Hastimom) majmuasiga kiruvchi bir qator tarixiy ob’ektlarga oid ta’mirlash-tiklash loyihalari ko‘rib chiqildi.
Jumladan, Zarqaynar ko‘chasida joylashgan “Abu Bakr Kaffol Shoshiy” maqbarasi, “Baroqxon” va “Mo‘yi Muborak” madrasalari, “Namozgoh” va “Tillashayx” masjidlari bo‘yicha taqdim etilgan restavrasiya loyihalari Kengash a’zolari tomonidan puxta ko‘rib chiqilib, bir ovozdan ma’qullandi. Loyihalarda yodgorliklarga ziyon yetkazilmasligi kafolatlanishi va devor tagi to‘shamasi maxsus obi g‘isht — 250×250×50 o‘lchamdagi xumdonda pishirilgan musulmon g‘ishtidan foydalanish sharti bilan tasdiqlandi.
Mazkur ishlar bo‘yicha ijro va nazorat Madaniy meros agentligining Toshkent shahar boshqarmasi va “Madaniy meros ilmiy-tadqiqot instituti” davlat muassasasiga yuklatildi.
Shuningdek, Navoiy viloyatidagi “Qiziltepa tarixiy muzeyi”ni ta’mirlash va Andijon viloyatining Xo‘jaobod tumanida joylashgan “Manak ota ziyoratgohi”da maqbara hamda yordamchi binolar qurish loyihalari ham Kengash tomonidan ma’qullandi.
She’rlar ruxsatsiz ishlatilgan — Botir Qodirov jarima to‘laydi
Navoiydagi dahshatli YTH: “Tezlik juda yuqori bo‘lgan”
Boysunda gaz atayin yoqib yuborilgani ma’lum qilindi
