Ijtimoiy tarmoqlarda terrorchilar bilan aloqa o‘rnatib, Toshkent shahrida qo‘poruvchilik harakatini amalga oshirishga tayyorgarlik ko‘rgan qashqadaryolik 20 yoshli yigit 6 yilga qamaldi.
Sudlanuvchi 2023-yildan boshlab internet orqali diniy ekstremistik va terroristik tashkilotlar g‘oyalari ta’siriga tushgan. Buning natijasida u mamlakatdagi islohotlardan qattiq norozi bo‘lib, Suriyadagi “Tavhid va jihod katibasi” terrorchilik tashkiloti a’zolarining qo‘poruvchilik harakatlarini qo‘llab-quvvatlashni boshlagan.