Bosh prokuratura huzuridagi Departamentning Toshkent shahar boshqarmasi tomonidan o‘tkazilgan tergovga qadar tekshiruvda, fuqaro F.I. turmush o‘rtog‘i Z. rahbarligidagi “M.L.” MCHJni norasmiy boshqarib kelib, aslida o‘zida mavjud bo‘lgan 2 dona “Inkubator” uskunasini go‘yoki MCHJga sotib olish uchun bank filialidan 375 mln so‘m kredit mablag‘i ajratilishiga erishib, ushbu kreditning yarmini to‘lab, qolgan 187,5 mln so‘mini talon-toroj qilganligi aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.