Rossiyadan 9-may kuni “provokasiyalar” bo‘lishi mumkin. Bu haqda Ukraina prezidenti Vladimir Zelenskiy Chexiya prezidenti Pyotr Pavel bilan o‘tkazilgan matbuot anjumanida gapirdi. Unga “Rossiya tomonidan 9-may kuni ehtimoliy provokasiyalar bo‘yicha maxsus xizmatlarda ma’lumot bormi?” degan savol berildi.
“Afsuski, biz bu qo‘shnilar – Rossiya qanday davlat ekanini va ular, birinchi navbatda, o‘z davlatlarida qandaydir radikal siyosiy yutuqlar uchun nimalarga tayyor ekanini tushunamiz”, – dedi Zelenskiy.
Uning aytishicha, Rossiya Pasxa bayramida “otishmani to‘xtatdik” deganiga qaramay, 100 martadan ortiq hujum qilgan. Oxirgi kunlarda esa rossiyaliklar frontda kuniga 200 martadan ortiq hujum o‘tkazmoqda – bu so‘nggi oylardagi eng yuqori ko‘rsatkich.
“Ya’ni, ishonch yo‘q, provokasiyalar bo‘lishi mumkin. Lekin bu ruslarga bog‘liq. Agar hali ham kimdir ularga ishonsa – marhamat, o‘zini sinab ko‘rsin”, – dedi Ukraina prezidenti.
3-may kuni Zelenskiy Ukraina boshqa davlatlarning vakillariga 9-may kuni Moskvaga tashriflari vaqtida xavfsizlikni kafolatlay olmasligini aytdi. Chunki Rossiya tomoni ularga nisbatan har qanday harakatni qilsa, Ukraina Rossiyada bo‘layotgan voqealar uchun javob bera olmaydi.
O‘zbekiston Rossiya elchisini chaqirtirdi
Habib YECHLda kim g‘olib bo‘lishini istayotganini aytdi
"Ukrainaliklar ruslar bosib olgan hududlarni de-fakto berishga tayyor"
