"Ukrainadan so‘ng Boltiqbo‘yi, keyin esa bizga hujum qilishni rejalashtirgan Ozarbayjon bo‘ladi," - Rossiyalik neonatsist, Z-targ‘ibotchi Yuriy Yevich

Rossiyalik targ‘ibotchi va harbiy shifokor Yuriy Yevich Kursk viloyati ozod etilganidan keyin Rossiya harakatlarining ketma-ketligi haqida so‘zladi: Kiyev, Boltiqbo‘yi mamlakatlari, so‘ngra go‘yoki Rossiyaga hujum qilishni rejalashtirgan Ozarbayjon, undan keyin Polsha. Bularning barchasidan so‘ng Amerika Rossiyaga jarima to‘lashi lozim bo‘lgan Alyaska. Yevichning ishonchi komilki, Alyaskadagi odamlar allaqachon kutishmoqda va yordam berishga tayyor.

Eslatib o‘tamiz, ilgari Z-targ‘ibotchi Yevich Grozniy ustida Rossiya tomonidan urib tushirilgan Ozarbayjon yo‘lovchi samolyotidan xursandligini izhor etib, ozarbayjonliklarni haqorat qilgan edi.