Toshkentda fuqaroni $12 ming evaziga IIV akademiyasiga o‘qishga kiritib qo‘ymoqchi bo‘lgan shaxslar ushlandi

Toshkentda huquqni muhofaza qiluvchi organ xodimlari tomonidan o‘tkazilgan tezkor tadbirda fuqarolar S.R. va S.SH. o‘zaro til biriktirib, fuqaro B.M.ning ishonchiga kirib, uni go‘yoki yuqori lavozimlarda ishlovchi tanishlari orqali Ichki ishlar akademiyasiga o‘qishga kiritib qo‘yishlari evaziga 12 000 AQSh dollarini firibgarlik yo‘li bilan olgan vaqtida ashyoviy dalillar bilan ushlandi.

Mazkur holat yuzasidan JKning 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.