Toshkentda BYD va «Lacetti» ishtirokida YTH sodir bo‘ldi

Toshkent shahri Yashnobod tumanida BYD va «Lacetti» ishtirokida yo‘l-transport hodisasi sodir bo‘ldi. Poytaxt YHXB voqea yuzasidan ma’lumot berdi.

Qayd etilishicha, hodisa bugun, 13 aprel kuni soat 14:30 larda Yashnobod tumani Yangi O‘zbekiston ko‘chasida yuz bergan. Unda BYD hamda «Lacetti» rusumli avtomashinalari o‘zaro to‘qnashgan.

YTH oqibatida «Lacetti»ning 2 nafar yo‘lovchisi jabrlangan, ularga shifokorlar tomonidan birinchi tibbiy yordam ko‘rsatilgan.

Hozirda holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.