Toshkent shahri hokimi Shavkat Umurzoqov Turkiya elchisi Olgan Bekar bilan uchrashdi. Tomonlar hamkorlik va O‘zbekiston-Turkiya munosabatlarini mustahkamlash istiqbollarini muhokama qildi, deya xabar qilmoqda poytaxt hokimligi matbuot xizmati.
Shavkat Umurzoqov o‘zbek-turk munosabatlari jadal rivojlanayotganini alohida ta’kidladi. Shuningdek, Turkiya diplomatik korpusining ushbu aloqalarni mustahkamlash va rivojlantirishdagi hissasi uchun minnatdorlik bildirdi.
Olgan Bekar, o‘z navbatida, uning O‘zbekistondagi diplomatik missiyasi yakuniga yetayotganini ma’lum qildi. Elchi avval muhokama qilingan masalalar — turk maktabini kengaytirish, Turkiyaning birinchi prezidenti Mustafo Kamol Otaturk nomini Toshkent ko‘chalaridan biriga berish hamda Toshkent shahrida Turk bog‘ini tashkil etish bo‘yicha o‘z mulohazalarini bildirdi.
Xabarda aynan qaysi ko‘cha Otaturk sharafiga atalishi ochiqlanmagan.
Uchrashuv yakunida taraflar o‘zaro muloqotni davom ettirish hamda har ikki davlat uchun manfaatli hamkorlikni rivojlantirishga kelishib oldi.
Qodirovning ahvoli juda og‘ir: u voris qidirmoqda
Fransiya Rossiya G‘alaba bayramiga taklif qilinmaganidan g‘azablandi
Ortiqxo‘jayev yangi lavozimda ish boshlagani aytilmoqda
