“Tolibon” AQSh harbiylarining Afg‘onistonga qaytishiga tayyor emasligini bildirdi

"Afg‘oniston va AQSh bir-biri bilan o‘zaro aloqada bo‘lishi kerak, ammo bu Qo‘shma Shtatlarning Afg‘onistondagi harbiy ishtirokisiz amalga oshirilishi lozim", — deb yozdi Afg‘oniston Tashqi ishlar vazirligi vakili Zokir Jaloliy X tarmog‘ida.

Jaloliy ikkala davlat ham "o‘zaro hurmat va umumiy manfaatlar asosida" iqtisodiy va siyosiy aloqalarni o‘rnatishi mumkinligini ta’kidladi.

"Afg‘onlar tarixda hech qachon birovning harbiy ishtirokiga rozi bo‘lmagan. Ammo o‘zaro hamkorlikning boshqa turlari uchun AQSh oldida barcha yo‘llar ochiq", — deya qo‘shimcha qildi Jaloliy.