Tehronni taxminan 5 million kishi tark etdi — internet cheklovi axborotga yetib borishni qiyinlashtirmoqda

Ironiy ommaviy axborot vositalariga ko‘ra, Isroil bilan keskinlik fonida taxminan 5 millionga yaqin aholi Tehron shahridan evakuasiya qilingan.

Mahalliy manbalarga asosan, ko‘plab fuqarolar xavfsizlik maqsadida poytaxtni tark etmoqda. Ammo xalqaro OAV ta’kidlashicha, mamlakatda internetga kirish cheklangani tufayli xolis axborot olish imkoniyati sezilarli darajada kamaygan.

BBC so‘nggi tahlillarida qayd etganidek, xorijiy jurnalistlar Irondan foto va video materiallarni olishda qiyinchilikka duch kelmoqda. Ma’lumotlar asosan davlat telekanallari va hukumatga bog‘liq nashrlar orqali tarqalmoqda, ular esa voqealarning to‘liq manzarasini aks ettirmasligi mumkin.