TDT musulmon diniy idoralari rahbarlari kengashining yig‘ilishi boshlandi

Bugun, 25 noyabr kuni poytaxtimizda Turkiy davlatlar tashkiloti musulmon diniy idoralari rahbarlari kengashining to‘rtinchi yig‘ilishi boshlandi.

Mazkur uchrashuvda jahonda dolzarb bo‘lib turgan bir qator masalalarga alohida e’tibor qaratildi.

Ayniqsa, ekstremizm, aqidaparastlik va mutaassiblik kabi illatlarga qarshi hamkorlikda kurashish, islomofobiyaga murosasiz bo‘lish kabi masalalar muhokama etildi. Shuningdek, musulmon ummati uchun eng muhim bo‘lgan masalalar hamjihatlikda ko‘rib chiqildi.

Mazkur muammolarni hal etishning yagona yo‘li birdamlikda harakat qilish, o‘zaro aloqalarni mustahkamlash ekani barcha muftiylar tomonidan ta’kidlandi.