Tayvan Xitoyning Yevropa qurol ishlab chiqaruvchilariga nisbatan qo‘llagan sanksiyalarini ahamiyatsiz deb atadi

Mamlakat Mudofaa vaziri Vellington Ku Pekin tomonidan orolga qurol sotgan Yevropaning yettita kompaniyasiga nisbatan joriy etilgan sanksiyalar Taybeyning mudofaa qobiliyatiga ta’sir qilmasligini ta’kidladi. Xitoy Tijorat vazirligi ushbu kompaniyalarga ikki tomonlama maqsaddagi tovarlar eksportini taqiqlagan edi. Sanksiyaga uchragan kompaniyalarning to‘rttasi Chexiyaga tegishli.

Vazirning so‘zlariga ko‘ra, Xitoy bu kabi choralarni birinchi marta qo‘llayotgani yo‘q va Tayvan diversifikasiya qilingan kanallar orqali qurol sotib olishni davom ettiradi.

Ma’lumot uchun, Tayvan qurol-yarog‘ning asosiy qismini AQShdan oladi, biroq so‘nggi yillarda, ayniqsa Ukrainadagi urushdan keyin, Markaziy va Sharqiy Yevropa davlatlari bilan mudofaa sohasidagi hamkorliklar faollashib bormoqda.