Tarixda birinchi marta oltin quyma narxi 1 million dollardan oshdi

Tarixda birinchi marta oltin quyma narxi 1 million dollardan oshdi, deb yozadi Bloomberg.

Bu 16 avgust, juma kuni qimmatbaho metalning spot narxi tarixda birinchi marta troya unsiyasi uchun 2500 dollardan oshganidan keyin sodir bo‘ldi. Oltin quymalarining og‘irligi odatda 400 troya unsiyasini (12,5 kg) tashkil etadi, ya’ni hozir har birining qiymati 1 million dollardan oshadi.

Shu bilan birga, agentlikning ta’kidlashicha, ularningning og‘irligi odatda 400 unsiya bo‘lsada, ular, London bullion bozori assosiasiyasi qoidalariga ko‘ra, 350 dan 430 unsiyagacha sof oltinni (10,9 kg dan 13,4 kg gacha) o‘z ichiga olishi mumkin. Xususiy investorlar uchun kichikroq vaznli barlar ham sotiladi - 1 grammdan.

RBK xabariga ko‘ra, 19 avgust, dushanba kuni oltin birja narxi unsiyasi uchun 2550 dollarga yaqinlashgan. Yil boshidan beri oltin 20 foizdan ortiq qimmatlashgan. Bu dinamikaga markaziy banklarning talabi ham yordam berdi.

Kotirovkalarning o‘sishiga, shuningdek, AQSh Federal zahirasining pul-kredit siyosatini yumshatishini kutish ham yordam berdi. Bundan tashqari, oltinga talab ortib bormoqda, chunki geosiyosiy taranglik, xususan, Isroil, Eron va XAMAS o‘rtasidagi mojaro xavfsiz aktivni sotib olishga turtki bo‘lmoqda, dedi XM sarmoyaviy tahlilchisi Axilleas Georgolopulos. UBS tahlilchisi Jovanni Staunovoning bashorat qilishicha, kelgusi oylarda oltin narxi yanada oshishi mumkin, yil oxiriga kelib unsiyasi 2600 dollarga yetishi mumkin.

Bank of America oltin narxining unsiya uchun 3000 dollargacha ko‘tarilishiga imkon bermoqda. Bank tahlilchilarining fikricha, yaqin 12-18 oy ichida qimmatbaho metalning narxi ushbu darajaga yetishi mumkin. Agar AQSh stavkalari tushib ketsa va yirik institusional investorlarning talabi oshsa, bu sodir bo‘lishi mumkin.