6 dekabr kuni soat 20:32da “Talimarjon issiqlik elektr stansiyasi”da 800 mVtli 1-energoblok texnologik himoya ishlashi sababli avariya holatda o‘chdi. Bu haqda “O‘zbekiston milliy elektr tarmoqlari” AJ axborot xizmati ma’lum qildi.
Buning natijasida Qashqadaryo, Buxoro, Navoiy, Surxondaryo, Farg‘ona, Andijon va Namangan viloyatlarida avariyaga qarshi avtomatika tizimi orqali iste’molchilar vaqtincha tarmoqdan uzildi.
Texnik holat tufayli yuz bergan nosozlikdan so‘ng darhol energetika tizimidagi mavjud zaxira quvvatlarini ishga solish evaziga elektr ta’minotidan uzilgan iste’molchilarga kuchlanish berish choralari ko‘rildi.
Milliy dispetcherlik markaziga ma’lum qilingan xabarlarga ko‘ra, ayni paytda “Talimarjon IES” energoblokining avariya holatida o‘chish sabablari aniqlanib, ishga tushirish yuzasidan zarur choralar ko‘rilmoqda.
Rossiya yana bir harbiy mojaroda ishtirok etishi mumkin
Tojikistonda bahorgi muddatli harbiy xizmatga chaqiruv rejasi 70 foizga bajarildi
Rossiya Armaniston uchun qaror chiqardi
