Rossiya hukumati Boltiqbo‘yi davlatlarining «dushmanlik harakatlari»ga iqtisodiy va tranzit sohadagi «assimetrik choralar» bilan javob beradi, deya ogohlantirdi Rossiya TIV matbuot kotibi Mariya Zaxarova.
«Biz Boltiqbo‘yi davlatlarining dushmanona harakatlariga, birinchi navbatda, iqtisodiy va tranzit sohalarda assimetrik choralar bilan javob beramiz», — dedi Mariya Zaxarova.
«Biz qabul qilgan javob choralari, jumladan, Rossiyaning shimoli-g‘arbiy portlariga yuk oqimini qayta yo‘naltirish Boltiqbo‘yi mamlakatlarining budjet daromadlariga o‘ta salbiy ta’sir ko‘rsatdi», dedi Rossiya TIV vakili.
Zaxarova Boltiqbo‘yi mamlakatlari bilan munosabatlarning uzilishini «nomaqbul» deb atadi, chunki u yerda ko‘plab rus tilida so‘zlashuvchilar, shu jumladan Rossiya fuqarolari yashaydi.
Mariya Zaxarova Boltiqbo‘yi davlatlarining iqtisodiy sohadagi qanday harakatlariga Rossiya javob berishi mumkinligini ochiqlamagan.
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
Armaniston shu yilning o‘zidayoq Yevropa Ittifoqiga kirishga tayyor
