Suv toshqini sabab qoldirilgan «Valensiya» — «Real» o‘yinining yangi sanasi ma’lum bo‘ldi

2 yanvar kuni La Liganing 12-turidan o‘rin olgan «Valenciya» — «Real» o‘yini o‘tkaziladi.

Bellashuv 2 noyabr kuni «Mestaliya»da bo‘lib o‘tishi kerak edi, biroq suv toshqini tufayli bahs qoldirildi.

Madrid klubi Ispaniya chempionatida 15-turdan keyin 33 ochko bilan 2-o‘rinda bormoqda. Jamoa bir o‘yini ko‘p «Barselona»dan 4 ochkoga ortda qolmoqda.

«Valensiya» esa turnir jadvalida 19-o‘rinni egallab turibdi. «Ko‘rshapalaklar» hisobida 13 o‘yindan keyin 10 ochko bor.