Xabar berilishicha, jangovar harakatlar asosan druzlar yashovchi Saxna shahrida sodir bo‘lmoqda. Suriya Ichki ishlar vazirligining ma’lum qilishicha, hukumat kuchlari shaharga kirish yo‘llarida Isroil harbiy-havo kuchlari dronlari tomonidan bir necha bor hujumga uchragan. Isroil Mudofaa armiyasi (SAXAL) Damashq atrofida zarbalar berganini tasdiqladi.
SAXALga ko‘ra, zarbalar druzlarga qarshi hujum uyushtirishga tayyorgarlik ko‘rayotgan guruhlarga qaratilgan edi.
Shuningdek, As-Suvayda shahrining g‘arbiy va shimoli-g‘arbiy hududlarida druzlar bilan qattiq to‘qnashuvlar yuz bergani haqida xabar berilgan. Sharqiy Gutadagi bir nechta masjidlarda baland ovozli karnaylar orqali druzlarga qarshi umumiy safarbarlikka chaqiriqlar yangrayotgani aytilmoqda.
Druzlar jamoasi diniy yetakchisi Damashqdagi hukumatga nisbatan ishonch yo‘qolganini bildirib, hududga xalqaro kuchlarni kiritishga chaqirdi.
Eslatib o‘tamiz, avvalroq Suriyada yangi hukumat qo‘shinlari isyon ko‘targan alaviylarga qarshi harbiy operasiya uyushtirgan edi.
Dahshat! Vafot etgan 88 yoshli ayol tobutda hushiga keldi
Hindiston cho‘kib ketmoqda - yarim milliondan ortiq qurbonlar
G‘arb Kiyevning aerodromlarga qilgan hujumlaridan so‘ng noxush haqiqatni tan oldi
