Sudandagi tug‘uruqxonaga qilingan hujumda 460 dan ortiq inson halok bo‘ldi

Bu haqda Birlashgan Millatlar Tashkiloti xabar berdi.

Ma’lumotlarga ko‘ra, Sudanning Al-Fashir shahridagi shifoxonada 460 dan ortiq bemor va ularga hamroh bo‘lgan odamlar otib o‘ldirilgan. Shifoxona ichidan olingan tasvirlarda vayronalar orasida sochilib yotgan jasadlar aks etgan.

Ommaviy axborot vositalarining xabar berishicha, Al-Fashir shahri isyonchi guruhlar qo‘liga o‘tganidan beri 2000 dan ortiq qurolsiz tinch aholi o‘ldirilgan, ularning aksariyati ayollar, bolalar va qariyalardir.

Mahalliy faollar tomonidan e’lon qilingan videolarda jangarilar qurolsiz tinch aholini otib o‘ldirayotgani aks etgan.