NYT nashrining eslatishicha, payshanba kuni Zelenskiy CBS News telekanaliga bergan intervyusida Uitkoff va Kushnerning harakatlaridan hafsalasi pir bo‘lganini bildirib, ularning Ukrainaga tashrifini hali ham kutayotganini aytgan edi. Moskvadagi mulozimlar ham Uitkoff va Kushner bilan hamkorlik qayta tiklanishini kutishmoqda.
Shu bilan birga, ismi oshkor etilmasligini so‘ragan mulozim NYT nashriga Tramp vakillari kunlik ravishda Ukraina va Rossiya rasmiylari bilan gaplashib turganini ma’lum qildi. Shuningdek, ular o‘rtasida ommaviy aytilmagan shaxsiy uchrashuvlar ham bo‘lib o‘tgan.
Biroq nashr manbasining ta’kidlashicha, Kushner va Uitkoff Moskva hamda Kiyevga faqat muhokama uchun yangi asosli sabablar paydo bo‘lsagina borishadi. Shunda shunchaki suratga tushish uchun tashrif bo‘lmaydi.
"Bunday jarayon kuchli diplomatik harakatlarni talab qiladi", — dedi kichik Jorj Bush ma’muriyati davridagi amerikalik diplomat Tomas Grem.
"Agar xohish bo‘lsa, AQSh bu jarayonga yetakchilik qila oladigan yagona davlatdir", — deya qo‘shimcha qildi u.
Eslatib o‘tamiz, o‘tgan yilning noyabr oyida Tramp o‘z tinchlik rejasini taqdim etgan edi, unda Ukraina qo‘shinlarini Donbassdan olib chiqish nazarda tutilgandi. Kiyev Yevropa ko‘magida buni rad etdi. Ammo Moskva ushbu shartni talab qilishda davom etmoqda.
Bunday kelishmovchiliklar tufayli qishda bo‘lib o‘tgan Ukraina, AQSh va Rossiyaning uch tomonlama muzokaralari boshi berk ko‘chaga kirib qoldi va fevral oyida to‘xtatildi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Hindiston TIV Rossiya diplomatini chaqirtirdi
