Starmer lavozimdan ketishi mumkinmi?

2026 yilgi saylovlar arafasida Britaniyada Leyboristlar partiyasi ichida Kir Starmerning bosh vazir sifatidagi kelajagi shubha ostiga qo‘yilmoqda. Reytinglar pasayishi va jamoatchilik tanqidi ortib borayotgan bir paytda, partiyada uni almashtirish haqida jiddiy muhokamalar boshlangan.

Sky News xabariga ko‘ra, Leyboristlar partiyasining ikki nufuzli a’zosi Starmerni lavozimdan mahrum etish ehtimoli haqida allaqachon ogohlantirgan.

• 2026 yil may oyida bo‘lib o‘tadigan Shotlandiya, Uels va London mahalliy saylovlari hukumatga bo‘lgan ishonch sinovi sifatida ko‘rilmoqda.

• Sky News jurnalisti Sem Kouts ta’kidlashicha, partiya ichidagi bir qancha guruhlar orasida “norozilik va umidsizlik shunchalik kuchayganki, hatto ayrim vazirlar ham Starmer yaqin oylarda lavozimni tark etishi mumkinligini tan olmoqda”.

📊 Siyosiy raqobat keskinlashmoqda:

• Reform UK partiyasi (Nayjel Faraj rahbarligida) Uelsda jadal ommalashmoqda.

• Londonda «Yashillar» va boshqa chap qanot partiyalari Leyboristlarga bosimni kuchaytirmoqda.

• 2025 yil may oyidagi parlament saylovlarida Faraj partiyasi kichik farq bilan g‘alaba qozongan — bu esa hukumat saflarida xavotirni kuchaytirdi.

Agar 2026 yilgi saylovlarda Leyboristlar partiyasi natijalari qoniqarli bo‘lmasa, Kir Starmerning iste’fosi real senariyga aylanishi mumkin. Partiya ichidagi bosim, tashqi raqobat va ommaviy tanqidlar uning siyosiy kelajagini jiddiy xatar ostiga qo‘ymoqda.