Bloomberg agentligi xabariga ko‘ra, Xitoy Xalq Respublikasi raisi Si Szinpin so‘nggi yillarda Xitoy armiyasi — Xitoy Xalq-Ozodlik Armiyasida (XXOA) keng ko‘lamli tozalash ishlarini olib bormoqda. Bu jarayon mamlakatda Mao Szedun boshqaruvi tugagan 1976 yildan beri generallar orasida amalga oshirilgan eng yirik soflashtirish harakati sifatida baholanmoqda.
2025 yil aprel oyida Financial Times nashri, o‘z manbalarga tayanib, xabar berishicha, Si Szinpin korrupsiya ayblovlari bilan XXOAning ikkinchi raqamli generali He Veydunni lavozimdan bo‘shatgan. Manbalarning biriga ko‘ra, u hatto hibsga olingan.
He Veydun Mao Szedundan keyingi davrda lavozimdan chetlatilgan eng yuqori martabadagi harbiy shaxs bo‘lgani ta’kidlanadi. Siyosiy-harbiy elitaning asosiy organi — Xitoy Markaziy harbiy kengashi (SVS)da a’zolar soni Sining uchinchi muddati boshida yettita bo‘lgan bo‘lsa, hozirgi tozalashlar natijasida ular soni to‘rttagacha qisqargan.
Bloombergning qayd etishicha, Si Szinpinning birinchi prezidentlik muddati davomida uning tayinlagan shaxslariga nisbatan hech qanday tekshiruv o‘tkazilmagan. Ikkinchi muddat «nisbatan tinch» deb baholangan — bu davrda Si armiya ustidan nazoratni mustahkamlagan. Ammo uchinchi muddatda u unga shaxsan sodiq deb hisoblangan shaxslarni yuqori lavozimlarga tayinlab, keyin ularning o‘zini ham lavozimdan olishni boshlagan. Bloomberg bu holatni Mao Szedundan beri biror xitoy rahbari tomonidan amalga oshirilmagan «benazir qadam» deb atadi.
Tozalash jarayoni 2023 yili Raketa qo‘shinlari qo‘mondoni Li Yuychaoning kutilmagan tarzda ishdan olinishi bilan boshlangan.
Ma’lumot uchun, Si Szinpin 2023 yili Konstitusiyaga kiritilgan o‘zgarishlar orqali tarixda birinchi marta uchinchi prezidentlik muddatiga qayta saylangan Xitoy rahbari bo‘ldi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
