Shvesiyada Qur’onni yoqqanning o‘ldirilishida besh kishi gumon qilinmoqda

Shvesiya prokuraturasi besh kishini Qur’onni yoqish tashkilotchisi Salvan Momikining o‘ldirilishiga aloqadorlikda gumon qilmoqda.

Bu haqda departament matbuot xizmati xabarida ma’lum qilindi.

"Barcha besh nafar katta yoshli shaxs qotillikda gumon qilinmoqda. Tergov hali dastlabki bosqichda, ko‘plab tergov tadbirlari, jumladan, texnik ekspertiza va gumonlanuvchilar va boshqa shaxslarni so‘roq qilish kerak" - dedi dastlabki tergovni boshqarayotgan katta prokuror Rasmus Omana.

Prokuror 2 fevral, yakshanba kunidan kechiktirmay bu shaxslarni hibsga olishni so‘rash yoki qilmaslik to‘g‘risida qaror qabul qilishi kerak. Ayni paytda qo‘shimcha ma’lumot taqdim etib bo‘lmaydi, deyiladi bayonotda.