Sho‘rchi tumani “Tolli" mahallasida yashovchi fuqaro M. B adirlikdan yarador oq boshli qumoyni topib olib, uni parvarish qilib, ushbu mahalla raisi orqali Surxondaryo viloyati Ekologiya boshqarmasi xodimlariga xabar qilgan.
Shundan so‘ng, oq boshli qumoy Termiz Hayvonot bog‘iga topshirilgan. Hozirgi kunda qushning tibbiy holati juda ham yaxshi.
Oq boshli qumoy zaif, qisqarib borayotgan, o‘troq, mozaik tarqalgan nominal kenja tur sifatida TMXI Qizil ro‘yxati va O‘zbekiston Qizil kitobiga kiritilgan. Ovlash taqiqlangan. Tog‘ qo‘riqxonalari va milliy tabiat bog‘larida muhofaza ostiga olingan.
