Shimoliy Koreya o‘z yadroviy arsenalini kengaytirish niyatida

Shimoliy Koreya yadroviy arsenalini kengaytirishga e’tibor qaratadi.

Koreya Markaziy axborot agentligi xabariga ko‘ra, Kim Chen In bu bayonotni Pxenyanda hukmron Ishchilar partiyasining to‘qqizinchi qurultoyini yakunlagan harbiy paradda aytdi.

"Partiyamiz milliy yadroviy energiyamizni yanada kengaytirish va mustahkamlashga hamda yadroviy davlat sifatidagi maqomimizdan to‘liq foydalanishga qat’iy sodiqdir", dedi Kim Chen In.

Shimoliy Koreya yetakchisi shuningdek, Qo‘shma Shtatlar bilan munosabatlarni yaxshilash istiqbollari butunlay Vashingtonning pozisiyasiga bog‘liqligini ta’kidladi. Uning ta’kidlashicha, agar Qo‘shma Shtatlar Shimoliy Koreya bilan qarama-qarshilik siyosatidan voz kechsa va mamlakatning hozirgi maqomini hurmat qilsa, ikki mamlakat "yaxshi til topisha olmasligi" uchun hech qanday sabab yo‘q.

Biroq, Kim Chen In hali ham Donald Trampning uchrashuv taklifini qabul qilmadi.