Sherobod tumanida 5 gektar maydonda yong‘in sodir bo‘ldi

Kecha, 23 iyul soat 15:52 da Surxondaryo viloyati FVBga “112” tizimi orqali, Sherobod tumani “Qizilolma” MFY hududida joylashgan Surxon davlat qo‘riqxonasiga qarashli hududda taxminan 5 gektar maydonda quruq o‘t yonayotganligi to‘g‘risida xabar kelib tushgan.

Mazkur xabarga asosan, yong‘in-qutqaruv ekipajlari qutqaruvchilari, tegishli tashkilotlar xodimlari voqea joyiga yetib borishdi. Ushbu yong‘inni bartaraf qilish uchun yetarli kuch va vositalar jalb qilindi. Yong‘in soat 22:25da to‘liq qurshab olindi va 00:35da o‘chirildi. .