Sergey Kiriyenko O‘zbekistondagi Islom sivilizasiyasi markaziga tashrif buyurdi

Rossiya prezidenti administrasiyasi rahbarining birinchi o‘rinbosari Sergey Kiriyenko boshchiligidagi delegasiya O‘zbekistondagi Islom sivilizasiyasi markaziga tashrif buyurdi.

Mehmonlarga markazning ilmiy-ma’rifiy yo‘nalishi, ekspozisiyasi va tarixi haqida ma’lumot berildi. Delegasiya a’zolari islom madaniyati bilan birga ilm-fan, ta’lim, ilohiyot, Baqtriya va Xorazm sivilizasiyasi, Buyuk Ipak yo‘li hamda Renessans davrlariga bag‘ishlangan bo‘limlar bilan tanishdi.

Sergey Kiriyenko markaz haqidagi taassurotlarida uni zamonaviy texnologiyalar yordamida boy ma’naviy va tarixiy merosni namoyon etuvchi noyob maskan deb baholadi.

Tashrif yakunida markaz direktori Firdavs Abduxoliqov mehmonga Husayn Boyqaro devonining faksimil nusxasini sovg‘a qildi.