Bosh prokuratura tomonidan Toshkent shahrining Sergeli tumanida joylashgan 2 ta yotoqxonalarda yashovchi fuqarolarning murojaati bo‘yicha ularning yashash joyiga mulk huquqini berish masalalari ko‘rib chiqildi.
Aniqlanishicha, Vazirlar Mahkamasining 2012 yil 18 oktyabrdagi farmoyishiga muvofiq, Sergeli tumani, Sputnik-4 mavzesi, 50-uyda joylashgan 2-sonli yotoqxona va Sergeli tumani, Quruvchilar mavzesi, 32-uyda joylashgan 3-sonli yotoqxona Toshkent shahar hokimligiga tasarruf etish huquqisiz o‘tkazilgan.
Ushbu yotoqxonalardagi xonadonlar soni 134 tani tashkil etib, hozirda ularda 423 nafar fuqarolar istiqomat qilib kelmoqda.
Mutaxassislar tomonidan yuqoridagi yotoqxonalar o‘rganilib, ularni turar joy toifasiga o‘tkazish mumkinligi haqida xulosalar berildi.
Shu munosabat bilan Bosh prokuratura tomonidan yotoqxonalardagi xonadonlarni xususiylashtirish bo‘yicha takliflar tayyorlanib, Vazirlar Mahkamasiga kiritilishi ta’minlandi. Mazkur yotoqxonalar ularda uzoq yillar davomida istiqomat qilib kelayotgan fuqarolar manfaatida mulk huquqini belgilash bo‘yicha zaruriy chora-tadbirlarni ko‘rish uchun Toshkent shahar hokimligiga tasarruf etish huquqi bilan o‘tkazildi.
O‘z navbatida, Toshkent shahar hokimligi va Sergeli tuman hokimligining tegishli qarorlari qabul qilinib, ularga asosan yotoqxonalarning toifasi turar joyga o‘zgartirildi va ularda uzoq yillar davomida yashayotgan fuqarolarga xonadonlarni xususiylashtirish imkoni paydo bo‘ldi.
Manba: uz24.uz
Hokim o‘rinbosari o‘zini yoqib yubordimi?
Andijon hokimi Shuhrat Abdurahmonov jinoyat sodir etgani haqida xabarlar tarqaldi
“Ota-onam men bilan gaplashmaydi…” Bloger Maryam Tillayeva shaxsiy hayoti haqida intervyu berdi
