Serbiya progressiv partiyasi va uning tarafdorlarining Novi Saddagi binolariga namoyishchilarning hujumlari natijasida 60 dan ortiq odam jarohatlangan.
Bu haqda Serbiya prezidenti Aleksandr Vuchich favqulodda matbuot anjumani chog‘ida ma’lum qildi.
"Hujumchilar - blokada ishtirokchilari - tayoqlar, petardalar, toshlar bilan bino orqasidan yaqinlashib, hujum qilishdi. Bizda 60 dan ortiq yaralangan fuqarolar bor. Faqat Novi Sad shahridagi Serbiya progressiv partiyasi binolarida 64 nafar yaralangan. Oxirgi lahzada biz ularga tez yordam mashinasini yetkazishga muvaffaq bo‘ldik", - dedi Vuchich.
"Biz hozir nazorat o‘rnatyapmiz, ko‘proq polisiya xodimlarini o‘tkazyapmiz. Jamoat tartibi va osoyishtalik o‘rnatiladi”, — dedi prezident.
Avvalroq Serbiya ichki ishlar vaziri Ivisa Dachich kechki norozilik namoyishlari va tartibsizliklar chog‘ida jarohatlangan polisiya xodimlari soni 15 nafarga yetganini ma’lum qilgan edi. Ichki ishlar vazirligi ma’lumotlariga ko‘ra, ayrim shaharlarda muvofiqlashtirilmagan namoyishlar ishtirokchilari SPP binolari va polisiya o‘ralariga hujum qilib, ularga tosh, tayoq va pirotexnika vositalari uloqtirgan.
Polisiya ma’lumotlariga ko‘ra, so‘nggi 24 soat ichida Belgrad, Novi Sad, Nis, Kraguyevas va boshqa shaharlarni qamrab olgan tartibsizliklar oqibatida 70 ga yaqin odam jabrlangan.
Aholiga subsidiya o‘rniga foizsiz qarz beriladi
Ichki ishlar vazirligi semiz xodimlarni ishdan bo‘shatadi
Avstriyalik olimlar vaqtni orqaga qaytarishni o‘rganishdi
