Mamlakat Energetika vazirligi hujumlardan so‘ng energetika sektorining ikkita ob’ekti qayta ishga tushirilganini ma’lum qildi.
Vazirlikning X ijtimoiy tarmog‘idagi xabariga ko‘ra, "Sharq-G‘arb" quvurining to‘liq o‘tkazuvchanlik quvvatiga — kuniga 7 million barrelga erishildi. Shuningdek, rasmiylar "Manifa" konida kuniga qariyb 300 000 barrel neft qazib olishni tikladilar.
Bundan tashqari, "Hurays" ob’ektida to‘liq ish faoliyatini tiklash bo‘yicha ishlar olib borilmoqda, bu esa qazib olish hajmini yana 300 000 barrelga oshirish imkonini beradi.
Eslatib o‘tamiz, payshanba kuni Ar-Riyod, Sharqiy viloyat va Yanbu sanoat shahridagi neft-gaz hamda elektr energiyasi korxonalariga qilingan hujumlardan so‘ng Saudiya Arabistoni bir qator ob’ektlar ishi to‘xtatilganini e’lon qilgan edi.
Tehronda Oliy rahbar vafoti munosabati bilan katta motam marosimi bo‘lib o‘tmoqda
Javohir Sindarov va ijtimoiy tarmoqlarni portlatgan surat
Eronning «ishtihasi» ortib bormoqda
