Turkiya shimoli-g‘arbidagi tog‘-chang‘i kurortidagi mehmonxonada sodir bo‘lgan yong‘in oqibatida kamida 76 kishi halok bo‘ldi, 50 dan ortiq kishi jarohat oldi.
Ba’zi qurbonlar vahimaga tushib binodan sakraganlari oqibatida halok bo‘lgani xabar qilinmoqda. Mahalliy ommaviy axborot vositalari esa mehmonlarning choyshab va ko‘rpalardan foydalanib xonalaridan pastga tushishga uringanlarini tasvirlamoqda.
Televideniye lavhalarida mehmonxonaning tomi va yuqori qavatlari yonayotgani, qorli tog‘ fonida osmonga tutun ko‘tarilayotgani aks ettirilgan.
Maktab ta’tillari tufayli mehmonxona 80-90 foiz to‘lgan bo‘lib, 230 dan ortiq mehmon ro‘yxatdan o‘tgani ma’lum qilingan.
Mehmonxonaning chang‘i bo‘yicha instruktori Nejmi Kepcetutan xususiy NTV telekanali bilan suhbatda binoni tark etishda 20 ga yaqin kishiga yordam berganini, biroq tutun tufayli favqulodda chiqish yo‘llarini topish qiyin bo‘lganini aytdi.
"Ba’zi o‘quvchilarim bilan bog‘lana olmayapman, - dedi u. - Umid qilamanki, ular xavfsiz joyda."
AQSh Ukrainadagi mojaroda Rossiya g‘alaba qozonganini e’lon qildi
Olimlar yadro qishidan omon chiqa oladigan beshta davlatni sanab o‘tishdi
Boylar Britaniyani ommaviy ravishda tark etmoqda
