Sankt-Peterburgda migrantlarga kuryer sifatida ishlash taqiqlandi

Sankt-Peterburgda migrantlarga 2025 yil oxirigacha kuryer bo‘lib ishlash taqiqlandi.

Sankt-Peterburg hokimligi 2025 yilda shahardagi ish beruvchilarga patent asosida ishlaydigan xorij fuqarolarini jalb qilish taqiqlangan faoliyat turlari qatoriga kuryerlik yetkazib berish sektorini qo‘shdi, deb xabar berdi Sankt-Peterburg gubernatorligi matbuot xizmati.

“Taksi sohasidagi mavjud cheklovlar kuryerlik xizmatlarini yetkazib berish bilan bog‘liq faoliyat bilan to‘ldirildi: kuryerlik faoliyati, turli transport turlarida kuryerlik yetkazib berish faoliyati, uyga oziq-ovqat yetkazib berish faoliyati va boshqa kuryerlik faoliyati”.

Shahar hokimiyati tushuntirganidek, bu qaror yashirin bandlikka qarshi kurashish, kuryerlik sohasida xizmatlar sifati va xavfsizligini oshirish, Rossiya fuqarolari, birinchi navbatda, yoshlar va talabalar uchun yangi ish o‘rinlarini yaratishga qaratilgan.

Qayd etilishicha, statistik ma’lumotlarga ko‘ra, xorijiy kuryerlar ushbu sohada band bo‘lganlar umumiy sonining “arzimas ulushini” tashkil qiladi, shuning uchun ularning bandligi bo‘yicha cheklovlar yetkazib berish bozori barqarorligiga ta’sir qilmaydi.

“Korxonalarning yangi talablarga moslashishi uchun kadrlar siyosatini yangi talablarga moslashtirish uchun uch oylik o‘tish davri belgilandi”, deya qo‘shimcha qildi Sankt-Peterburg hokiligi.

Iyul oyi oxirida shahar hokimligi 2025 yilda migrantlarni taksi haydovchisi sifatida yollashga xuddi shunday taqiq qo‘yishini e’lon qilgan edi, deb xabar berdi ria.ru.