Samarqandda hunarmandlar va rassomlar shaharchasi tashkil etiladi

Viloyat hokimi vazifasini bajaruvchi Adiz Boboyev va Badiiy akademiya raisi Akmal Nur shu masalada ushrashuv o‘tkazdi.

Qayd etilishicha, hozirda Samarqanddan uncha uzoq bo‘lmagan hududda shaharchani tashkil etish ustida ish olib borilmoqda.

Ikki rahbar Samarqand ixtisoslashtirilgan san’at maktab-internatini shahar markaziga ko‘chirish, badiiy ta’lim, xususan, tasviriy va amaliy san’at hamda dizayn sohasida iqtidorli yoshlarni aniqlash, ularni tanlab olish, o‘qitish va tarbiyalash bo‘yicha yaxlit tizimni shakllantirish bo‘yicha “Yo‘l xaritasi”ni imzoladi.