"Liverpul" Muhammad Saloh bilan shartnomani uzaytirganini e’lon qildi.
32 yoshli vinger klub bilan yangi shartnoma imzoladi.
Jurnalist Jeyms Pirsning aytishicha, shartnoma muddati ikki yilga mo‘ljallangan.
Muhammad Saloh 2017 yildan buyon "Liverpul" safida o‘ynab kelmoqda va shu vaqt ichida 7 ta sovrinni qo‘lga kiritdi. U Angliya klubiga "Roma"dan o‘tgan.
Joriy mavsumda Saloh Premyer-liganing 31 o‘yinida 27 gol urdi va 17 golga assistentlik qildi.
