Saida Mirziyoyeva Xorazmda Prezidentning viloyatni ijtimoiy rivojlantirishga qaratilgan qarorlari ijrosini o‘rganyapti

Prezident administrasiyasi rahbari Saida Mirziyoyeva Xorazm viloyatiga tashrif buyurdi. Yuzdan ortiq muammoli masala qisqa fursatda o‘z yechimini topdi. Biroq ob’ektlarning soni va ko‘lamidan qat’i nazar, ularning barchasi bitta-bitta, sinchiklab va oxirigacha o‘rganib chiqiladi.

“Xonqa tumanida mukammal ta’mirga juda muhtoj bo‘lgan 2-maktabni, shuningdek, qarovsiz tashlab qo‘yilgan va avariya holatiga kelib qolgan 49-maktabgacha ta’lim muassasasini ko‘zdan kechirdik.

Davlat xoreografiya akademiyasining Urganch filialida ham bo‘ldik. Hozirda o‘quv auditoriyalari hamda akademiyaning bo‘lajak tarbiyalanuvchilari maktab-internati bitta binoda joylashgan. Kelgusida qo‘shimcha bino qurilib, har bir muassasa o‘zining alohida, to‘laqonli sharoitiga ega bo‘ladi”, deb yozdi Prezident Administrasiyasi rahbari.