Ruslar Serbiya prezidentining Qizil Armiya haqidagi gaplari tufayli xafa bo‘ldi

Serbiya prezidenti Aleksandr Vuchichning mamlakatni fashistlardan ozod qilishda SSSRning yordami kam bo‘lgani haqidagi bayonoti "hayratga solmoqda". Bu haqda Rossiya TIV rasmiy vakili Mariya Zaxarova brifingda ma’lum qildi.

"Serbiya prezidentining, ayniqsa G‘alabaning 80 yilligi nishonlanayotgan yilda, Qizil armiya safida Yevropani, jumladan Yugoslaviyani ozod qilganlar xotirasiga hurmat ko‘rsatish uchun tegishli so‘zlarni topa olmagani ajablanarli," deya ta’kidladi u.

Bundan oldin Vuchich Ikkinchi jahon urushi davrida Serbiyani nemislardan ozod qilish bilan asosan Serbiya armiyasi shug‘ullanganini, Sovet Ittifoqining yordami esa uncha katta bo‘lmaganini aytgan edi.

1944 yil oxirida yugoslav inqilobchisi Titoning kommunistik partizanlari Sovet qo‘shinlari yordamida Serbiya hududini egalladi. Bu hudud Xorvatiya, Vengriya, Albaniya, Bolgariya va Chernogoriyaning ayrim qismlari bilan birga SFRY tarkibidagi Serbiya Sosialistik Respublikasiga aylantirildi.

Mart oyi boshlarida Kreml xabar berganidek, Serbiya prezidenti Rossiya rahbari Vladimir Putin bilan suhbatda G‘alabaning 80 yilligini nishonlash uchun Moskvaga tashrif buyurishini va Qizil maydondagi harbiy paradda ishtirok etish uchun harbiy bo‘linmalar yuborishini tasdiqlagan edi.