Rossiyaning Kiyevga uyushtirgan hujumi natijasidan o‘lganlar soni 21 nafarga yetdi

Rossiyaning Kiyevga uyushtirgan yirik hujumi oqibatida kamida 21 kishi halok bo‘ldi, avvalroq 16 kishi halok bo‘lgani xabar qilingan edi.

Bu haqda Ukraina favqulodda vaziyatlar davlat xizmati xabar bermoqda.

Ma’lumotlarga ko‘ra, kecha tunda Kiyevning Solomenskiy tumanida vayron bo‘lgan to‘qqiz qavatli bino vayronalari ostidan yana besh kishining jasadi chiqarib olingan.

Ukraina poytaxtidagi hodisa oqibatida jami 21 kishi halok bo‘ldi, 134 kishi jarohat oldi.