Rossiyalik sportchilar qishki Paralimpiya o‘yinlarida ishtirok etmaydi

Rossiyalik sportchilar qishki Paralimpiya o‘yinlarida hech qaysi sport turi bo‘yicha ishtirok etmaydi.

Bu haqda Xalqaro Paralimpiya qo‘mitasi matbuot xizmati xabar bermoqda.

"FIS, IBU va World Curling pozisiyasi hozirda Belarus va Rossiya sportchilari va jamoalari xalqaro musobaqalarda qatnasha olmasligini anglatadi. Bu esa ularni qishki Paralimpiya o‘yinlariga saralash imkonini bermaydi.

Belarus va Rossiya chana-xokkey musobaqalarida ishtirok etishi mumkin bo‘lsa-da, noyabr oyidagi saralash turnirining so‘nggi bosqichida qatnashadigan olti ishtirokchi allaqachon ma’lum bo‘lib ulgurgan", - dedi IPC rahbari Endryu Parsons.