Ukraina va Rossiya kamida 1000 kishini qamrab olishi kutilayotgan keng ko‘lamli asirlar almashinuviga tayyorgarlik ko‘rmoqda.
Bu haqda Ukraina Oliy Radasining inson huquqlari bo‘yicha vakili Dmitriy Lubines jurnalist Dmitriy Gordonga bergan intervyusida ma’lum qildi, deb xabar bermoqda UNN.
"Asirlar almashinuvi ehtimoli haqida ma’lumot paydo bo‘lishi bilanoq, uni amalga oshirishning keyingi mexanizmlarini muhokama qilish uchun rossiyalik ombudsman Yana Lantratova bilan bog‘landim.
Javoban gap kamida 1000 kishi haqida ketayotgani tasdiqlandi. Shu bilan birga, bu raqam imkoni boricha ko‘proq bo‘lishi uchun ishlarni davom ettirish zarur", — dedi Lubines.
Uning qo‘shimcha qilishicha, Ukraina tomoni qaytariladigan shaxslar orasida harbiy asirlar bilan birga noqonuniy hibsga olingan Ukraina fuqarolari ham bo‘lishi shartligini bildirgan.
Avvalroq Dmitriy Lubines Oleshkidagi gumanitar missiya davomida Yana Lantratova bilan 15 soat muloqot qilganini ma’lum qilgan edi.
Tomonlar ushbu muzokaralarda kelgusidagi gumanitar missiyalar, asirlar almashinuvi, tinch aholini qaytarish hamda bedarak yo‘qolgan shaxslarni qidirish masalalarini muhokama qilgan.
AQSh va Eron dastlabki kelishuvga erishish sari ilgarilamoqda
"Evropaliklar Abu-Dabiga kelishibdi — mayli, mehmonxonalarida o‘tiraversinlar"
Rossiyadan AQShga yo‘l olgan uchta dizel tashuvchi tanker ham yo‘nalishini o‘zgartirdi
