Rossiya Ozarbayjonning Ukrainadagi neft bazasiga hujum qildi

Rossiya dronlari hujumi natijasida Odessadagi yoqilg‘i-energetika infratuzilmasi ob’ekti yonib ketdi, deb xabar bermoqda Ukraina Favqulodda vaziyatlar xizmati.

Ijtimoiy tarmoqlarda tarqalgan xabarlarga ko‘ra, 18-avgustga o‘tar kechasi Odessadagi Ozarbayjonning SOCAR kompaniyasiga qarashli neft ombori hujumga uchradi.

To‘g‘ridan-to‘g‘ri zarbalar seriyasi katta yong‘inga sabab bo‘ldi.

Barcha 17 ta rezervuar, nasos stansiyasi va texnik inshootlarga zarar yetdi.

Avvalroq Ilhom Aliyev Rossiyani Ozarbayjon ob’ektlariga “maqsadli zarba berish”da ayblagandi.