Rossiyaning "AlfaStraxovaniYE" kompaniyasi Ozarbayjonning AZAL aviakompaniyasiga tegishli Embraer samolyotining Aqtau yaqinidagi halokati munosabati bilan aviasiya korpusi bo‘yicha sug‘urta tovonini to‘liq miqdorda to‘laganini Interfaksga ma’lum qildi.
Shuningdek, kompaniya yo‘lovchilarga yetkazilgan zarar uchun ham to‘lovlarni amalga oshirayotgani ta’kidlandi.
"AlfaStraxovaniYE" kompaniyasining aviasiya va kosmik sug‘urta bo‘yicha bosh direktori o‘rinbosari Ilya Kabachnik nashrga shunday dedi: "Qozog‘istonning Aqtau shahri yaqinida halokatga uchragan Azerbaijan Airlines (AZAL) aviakompaniyasining Embraer 190 samolyoti, shuningdek, tashuvchining yo‘lovchilar oldidagi javobgarligi bizning kompaniyamizda sug‘urtalangan edi".
Uning so‘zlariga ko‘ra, xavfning asosiy qismi "Rossiya milliy qayta sug‘urta kompaniyasi"da qayta sug‘urtalangan. Samolyot uchun to‘liq sug‘urta summasi fevral oyida to‘langan.
Shu bilan birga, u aviasiya sug‘urtasi to‘lovi miqdorini oshkor qilmadi. Kabachnik, shuningdek, sug‘urtalovchiga nima uchun aviahalokat bo‘yicha rasmiy tekshiruv yakunlanishini kutish shart bo‘lmaganligini tushuntirdi.
Bola o‘g‘rilari ushlandi
"Bizdan Armaniston janubini tortib olishyapti, lekin buni hech kim gapirmayapti"
Hindiston AQSh va YEIning Rossiya neft importiga qarshi hujumlariga javob qaytardi
