Rossiya «Iskander» raketalarini takomillashtirdi — The Telegraph

Nashr ma’lumotiga ko‘ra, modernizasiya qilingan «Iskander» ballistik raketalari nishonga bir necha metr aniqlikda zarba berish va parvozning so‘nggi bosqichida trayektoriyasini o‘zgartirish imkoniyatiga ega bo‘ldi.

Raketalar yangi optik va radiolokasion nishonga yo‘naltirish tizimlari bilan jihozlangan. Bu esa ularga Ukraina radioelektron kurash vositalarini chetlab o‘tish imkonini berishi aytilmoqda.

Nashrga ko‘ra, Rossiya Kiyev ko‘priklariga zarba berish bilan birga, Ukraina energetika tizimini alohida tarmoqlarga ajratish orqali mamlakat sanoati, jumladan, harbiy ishlab chiqarishiga ham zarar yetkazishni ko‘zlamoqda.