Rossiya Davlat Dumasi “Tolibon” harakatini terroristik tashkilotlar ro‘yxatidan chiqarishga imkon beruvchi qonunni qabul qildi

Tegishli hujjat parlamentga noyabr oyining oxirida kiritilgan edi. 10 dekabr kuni u birinchi o‘qishda, bugun esa bir vaqtning o‘zida ikkinchi va uchinchi o‘qishda qabul qilindi.

Qonun loyihasi, agar tashkilotlar terrorizmni targ‘ib qilish, oqlash va qo‘llab-quvvatlashga qaratilgan faoliyatni to‘xtatgan bo‘lsa, ularni terroristik va taqiqlangan tashkilotlar ro‘yxatidan chiqarishga imkon beradi.

Avvalroq, Rossiya Davlat dumasi “Tolibon” harakatini mamlakatda taqiqlangan tashkilotlar ro‘yxatidan chiqarish imkoniyatini ko‘zda tutuvchi qonun loyihasini birinchi o‘qishda qabul qilgani ma’lum bo‘lgandi.