Kurskda "noadekvat ahvolda" bo‘lgan rus askari ko‘p bolali oilani otib tashladi

30 aprelga o‘tar kechasi rossiyalik harbiy hujjatlarni tekshirish bahonasida Kursk viloyati Belovskiy tumanidagi Giri qishlog‘idagi ko‘p bolali Larinlar oilasining uyiga kirib, shundan so‘ng o‘t ochgan.

Rossiyalik OAVlar xabar berishicha, 41 yoshli Olesya Larina olgan jarohatlari tufayli vafot etgan, eri reanimasiyada. Larinlarning farzandlariga zarar yetmagan.

Mahalliy aholining xabar berishicha, askar "noadekvat holatda, ehtimol giyohvand moddalar ta’sirida bo‘lgan". Hokimiyat va tergov organlarining sabablari yoki rasmiy javoblari haqida hozircha ma’lumot yo‘q.

Hujum qishloq aholisini hayratda qoldirdi. Larinlar oilasi ko‘p farzandli bo‘lgani ma’lum bo‘lib, avvallari hech qanday mojaroga aralashmagan.