Avvalroq Rossiya TIV Armaniston YEIga a’zo bo‘lgan taqdirda, mamlakatga gaz yetkazib berishni to‘xtatish bilan tahdid qilgan edi
“Rosselxoznadzor” 30 maydan boshlab Armanistondan Rossiyaga pomidor, bodring, qalampir, ko‘kat va qulupnay olib kirishga “vaqtincha cheklovlar” joriy etdi. Idora buni Rossiyaga Armaniston mahsulotlarini yetkazib berishda "qoidabuzarlik holatlari tez-tez kuzatilayotgani" va fitosanitariya xavfsizligiga tahdid borligi bilan izohladi.
Avvalroq Rossiya hukumati Armanistondan gullar, “Jermuk” mineral suvi, shuningdek, uchta yirik ishlab chiqaruvchining konyak va vinolarini olib kirishni taqiqlagan edi.
Bundan tashqari, 27 may kuni Armaniston Tashqi ishlar vazirligi Rossiyadan Yerevan Yevropa Ittifoqiga a’zo bo‘lgan taqdirda gaz, neft mahsulotlari va olmos yetkazib berish bo‘yicha kelishuvni bekor qilish imkoniyati to‘g‘risida bildirishnoma olgandi.
7 iyun kuni Armanistonda parlament saylovlari bo‘lib o‘tadi. Hozirda kuzatuvchilar e’tiborida rossiyaparast nomzodlarning ovoz berishga qo‘yilishi yoki avvalroq Moldovada sodir bo‘lgani kabi saylovlardan chetlatilishi masalasi turibdi.
1 iyundan tariflar oshadi: oldindan to‘lov qilganlar 2 oy eski narxda to‘laydi
Netanyaxu Quddusdagi shifoxonaga yotqizildi
O‘zbekistonda iyunda anomal issiq oqibatida harorat +47° gacha chiqadi
