Rossiya Tashqi ishlar vazirligi rasmiy vakili Mariya Zaxarova TASS agentligiga bergan intervyusida ta’kidlashicha, AQShda prezident Donald Tramp va tadbirkor Ilon Mask o‘rtasidagi mojaroga Rossiyani aralashtirishmagan — hech kim maslahat ham so‘ramagan, qo‘llab-quvvatlashni ham iltimos qilmagan.
Zaxarova shunday dedi:
“Bu ularning ishi — siyosiy munosabatlarni qanday qurishlariga o‘zi o‘rgurlar. Men buni baholashni istamayman. Rostini aytsam, bu masalada bizdan na maslahat so‘raldi, na yordam. O‘zlari hal qilishadi.”
Ushbu ziddiyat Tramp va Mask o‘rtasida AQShning yangi soliq-byudjet qonuni ortidan yuzaga keldi. Mask mazkur qonun loyihasini “jirkanch” deb atadi, chunki u AQShning allaqachon katta bo‘lgan byudjet taqchilligini yanada oshirishini ta’kidladi. Bunga javoban Tramp Maskni “aqldan ozgan” deb atadi va SpaceX kompaniyasining davlat shartnomalariga kirish imkoniyatini qayta ko‘rib chiqishini aytdi.
Bundan tashqari, Mask ijtimoiy tarmoqda (X) Trampni amerikalik moliyachi Jeffri Epshteyn ishi bilan bog‘lovchi hujjatlar borligini iddao qildi, ammo keyinroq bu postini o‘chirdi.
Rossiya sanksiyalar bilan tahdid qilmoqda: nishonda O‘zbekiston ham bor!
Kecha Toshkentda rekord darajadagi issiq havo qayd etildi
Qator davlatlar milliy o‘zlikka qaytish maqsadida nomini o‘zgartirdi
