Rossiya amaldagi jahon chempioniga qarshi o‘rtoqlik o‘yini o‘tkazishi mumkin

Argentina terma jamoasining xalqaro o‘yinlar tashkilotchisi, FIFA lisenziyasiga ega o‘yin agenti Gilyermo Tofoni argentinaliklarning Rossiya terma jamoasi bilan ehtimoliy uchrashuvi haqidagi mish-mishlar haqida gapirdi.

"Rossiya terma jamoasi bilan o‘yinmi? Bilmadim. Bu mumkin, ammo muammo shundaki, Argentina boshqa raqib izlashi kerak bo‘ladi. Ular ikkita o‘yin o‘tkazishni xohlashadi. Yo Janubiy Koreya bilan Yaponiya, yoki Rossiya va boshqa jamoa bo‘ladi", - deydi Tofoni.

Eslatib o‘tamiz, 2022 yildan beri Rossiya terma jamoasi va klublari rasmiy turnirlarda qatnashmayapti, biroq ular o‘rtoqlik o‘yinlari uchun xalqaro raqiblarni faol izlashda davom etmoqda.