2022 yilda "Manchester Yunayted"ni tark etgan Krishtianu Ronaldu faoliyatini Angliyaning boshqa bir top-klubida davom ettirishi mumkin edi.
O‘sha davrda "Chelsi"ni sotib olgan Todd Byoli jamoaga jahon miqyosidagi yulduzni olib kelish g‘oyasiga jiddiy qiziqqan. Amerikalik biznesmenning asosiy variantlaridan biri aynan Ronaldu bo‘lgan.
The New York Times nashrining yozishicha, Byoli portugaliyalik futbolchining o‘sha paytdagi agenti Jorje Mendesh bilan uchrashib, transfer imkoniyatini muhokama qilgan.
Biroq londonliklar bosh murabbiyi Tomas Tuxel bu g‘oyani qo‘llab-quvvatlamagan. Nemis mutaxassisi Ronalduni jamoaga olib kelishga qarshi chiqqan va natijada ehtimoliy kelishuv amalga oshmagan.
Oradan ko‘p o‘tmay, Krishtianu Yevropani tark etib, Saudiya Arabistoni chempionatiga yo‘l oldi. Portugaliyalik yulduz hozir ham faoliyatini ushbu mamlakatda davom ettirmoqda.
L’Equipe 2026 yilgi "Oltin to‘p" uchun asosiy 5 da’vogarni ma’lum qildi
Husanovga juda yuqori ball berishdi
Eronlik milliarder "Chelsi" futbol klubini sotib oldi
