"Real" prezidenti: "Afsona bilan shartnoma imzoladik"

Madridning "Real" klubi prezidenti Florentino Peres himoyachi Trent Aleksandr-Arnold transferi haqida fikr bildirdi.

Eslatib o‘tamiz, futbolchi bugun tibbiy ko‘rikdan o‘tdi va klub bilan shartnoma imzoladi. Angliyalik futbolchi Madridda 12-raqamda to‘p tepadi, afsonaviy Marselo ham shu raqam ostida to‘p tepgan edi.

"Biz mutlaq afsona bilan shartnoma imzoladik. Trentning transferi bilan orzumiz amalga oshdi. U dunyoning eng buyuk klubi - "Real"da o‘ynashga qaror qildi. "Liverpul" bilan munosabatlarimiz a’lo darajada, ular bizning qadrdon do‘stlarimiz," - dedi Peres matbuot anjumanida.

"Liverpul"dagi 8 mavsum davomida Trent ikki marta APL g‘olibi bo‘lgan va bir marta Chempionlar Ligasida zafar quchgan. Shu bilan birga, uning jamoasi eng nufuzli yevrokubok finalida ikki marta aynan Madridning "Real"iga yutqazgan.