"Real" Ispaniya kubogi finaliga yo‘l oldi

"Real" Ispaniya Kubogi 1/2 final javob uchrashuvida "Real Sosyedad" bilan durang o‘ynadi - 4:4. O‘yin "Santyago Bernabeu" stadionida bo‘lib o‘tdi.

Uchrashuvning 16-daqiqasida mehmonlar hujumchisi Ander Barrenechea hisobni ochdi. Oradan uncha ko‘p vaqt o‘tmay Vinisius Junior gol urdi. Birinchi bo‘lim 1:1 hisobida durang bilan yakunlandi.

72-daqiqada David Alabaning avtogoli evaziga mehmonlar yana hisobda oldinga chiqib olishdi, keyin esa uchinchi golni Mikel Oyarsabal kiritdi. Mezbonlar 6 daqiqa ichida javob gollarini urishga muvaffaq bo‘ldi - Jud Bellingem va Orelyen Tchuameni o‘z hisobiga gol yozdirib qo‘ydi. Qo‘shib berilgan daqiqalarda Oyarsabal dubl qayd etdi va "Real Sosyedad" asosiy vaqtda 4:3 hisobida g‘alaba qozondi, shuning uchun jamoalar yana 15 daqiqadan ikki bo‘lim o‘ynashdi, chunki birinchi o‘yinda Madrid jamoasi 1:0 hisobida g‘alaba qozongandi.

115-daqiqada madridliklar himoyachisi Antonio Ryudiger qo‘shimcha bo‘limlar boshida zaxiradan maydonga tushib, hisobni tenglashtirdi. Ikki o‘yin natijasiga ko‘ra, Karlo Anchelotti jamoasi Ispaniya kubogi finaliga yo‘l oldi va u yerda "Atletiko" - "Barselona" juftligi g‘olibiga qarshi bahs olib boradi.