"Real" futbolchisi - "Atletiko" bosh murabbiyiga: «Gapir endi!»

Brahim Dias Chempionlar Ligasidagi derbida gol urgach, raqib bosh murabbiyi tomonga baqirdi.

«Real» 1/8 finalning birinchi o‘yinida «Atletiko»ni 2:1 hisobida mag‘lubiyatga uchradi, marokashlik yarimhimoyachi esa 55-daqiqada g‘alaba to‘pini kiritdi.

Goldan so‘ng «qaymoqranglilar» havbeki Diyego Simeone tomonga qarab: «Gapir endi! Gapir endi!» deya baqirdi. Bu holat Movistar efiriga tushib qolgan.

Ma’lumot uchun, dushanba kuni o‘yin oldi matbuot anjumanida «Atletiko» ustozi «Real»ning bo‘lajak bahs uchun ehtimoliy tarkibi haqida gapirib, Diasning maydonga tushishiga shubha qilgandi: «Menimcha, ular Bellinghem o‘rnini to‘ldirish uchun Chuameni va Kamavinga bilan birga Modrichni o‘ynatishadi. Braim tushirilishiga ishonchim komil emas».